ചേറ്റുവ പുഴയോരം

സുഖ പ്രസവം . --അബ്ദുള്ളക്കുട്ടി ചേറ്റുവ -- ചെറുപ്പത്തിൽ പുലർക്കാലേ ഓത്തുപള്ളി യാത്രയിലായ് ബസ്‌റ്റോപ്പിൻ ഉള്ളിലായി കീറത്തുണികൊണ്ടു മറച്ചൊരു കുടിലുകണ്ടു കൂടെ -കാക്ക കൂട്ടിലെ കലമ്പൽ പോൽ കൂട്ട കരച്ചിൽ കേട്ടു -അതിൽ വേറിട്ട് ഉയർന്നല്ലോ അമ്മകിളിനാദം പെട്ടെന്ന്....എല്ലാം ശാന്തമായി ... ഭൂമിയുടെ പുതു അവകാശിയുടെ അവകാശ പ്രഖ്യാപനം മാത്രമായ്.. "പ്രസവം കഴിഞ്ഞു, സുഖപ്രസവം.".!! വഴിവക്കിലാരോ മൊഴിഞ്ഞു ആശുപത്രിയിൽ പോയതില്ല ഡോക്ടറും നേഴ്‌സുമതില്ല പ്രിയതമൻ വരാന്തയിൽ ഉലാത്തിയില്ല വെറും ഒരു കുപ്പി മദ്യ ചഷകത്തിൽ പ്രസവരക്ഷാമൃതം തൂകി സുഖപ്രസവം പിറ്റേന്ന് ... അവിടം ശൂന്യം, ഇരുളിൻ മറവിലെ പകൽമാന്യരുടെ ഇളക്കങ്ങൾക്കു കാത്തുനിൽക്കാതെ ആനാടോടിക്കൂട്ടം ജിവിത ചുമടും പേറി യാത്രയായ് ... അവസാന യാത്രയോളമുള്ള യാത്ര. ####