2016, സെപ്റ്റംബർ 1, വ്യാഴാഴ്ച
ആഴ്ച
-- അബ്ദുള്ളക്കുട്ടി ചേറ്റുവ --
"ഇന്നെന്താഴ്ചയാ ?"
"വെള്ളിയാഴ്ച "
"അപ്പോളിന്നലെയോ ?"
"വ്യാഴമെന്നു തോന്നുന്നു .."
ജീവന്റെ കറക്കത്തിൽ
ചിലർക്കങ്ങിനെയാണ് !
പണ്ടൊക്കെ ആഴ്ചയിൽ
ഒരുവെള്ളിയാഴ്ചമാത്രം ..
ഇപ്പോഴത് കൂടിയിട്ടുണ്ടോ
എന്റെ മാത്രമൊരു സംശയം ?
നിങ്ങൾക്കുണ്ടോ അങ്ങിനെ ?
വിരാമ മില്ലാതെ ചുറ്റും
സമയ സൂചികപോലെ
ബിരിയാണി തിന്നു ന്നതിനാലിന്ന്
വെള്ളി
ജുമുഅക്ക് പോയതിനാലിന്ന്
വെള്ളി
ചിലർക്കങ്ങിനെ മടിപിടിച്ച്
ചെറു ലഹരിയിൽ ആവോളം
ഉറങ്ങി തീർക്കുന്നതിനാലിന്ന്
വെള്ളിയാഴ്ച...
കാലചക്ര പ്രവാഹത്തിൽ
എത്രമായ്ക്കാൻ ശ്രമിച്ചാലും
തെളിഞ്ഞു വരും വെള്ളിവരകൾ
പറയാതെ പലതും നമ്മോടു
പറയുന്നു ചില ഓർമ്മ പ്പെടുത്തലുകൾ.
***
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ